Kriza politike dhe sulmet ndaj Reformës në Drejtësi kanë qenë temë e diskutimeve në emisionin “Open”, ku nuk kanë munguar as përplasjet e ashpra mes të ftuarve në studio. Sekretari ligjor i PD-së, Çlirim Gjata, ka sulmuar ashpër deputeten demokrate, Rudina Hajdari, duke i thënë se ajo nuk e meriton mbiemrin që ka.
Gjata: Meqenëse e deshe, duhet ta meritosh atë mbiemër, se nuk e meriton.
Hajdari: Me çfarë do merreni sot? Kush je ti, më çfarë pozicioni flet, je gjykatës ti që më gjykon mua e meritoj apo jo mbiemrin, apo përse nuk jam dakord me kryetarin e partisë tënde…
Gjata: Nuk e meriton pra të thashë, politikisht, jo familjarisht. Vazhdo tani.
Hajdari: Ka ikur ajo kohë kur vetëm duhet t’i bindemi kryetarëve të partive, dhe kjo është arsyeja pse unë jam këtu.
