Për një numër të konsiderueshëm pushuesish, plazhet shqiptare janë të pasigurta. Kujtojmë se vetëm gjatë muajit qershor, tre pushues kosovarë janë mbytur në bregdetin shqiptar dhe kjo shifër në një farë pike mund të konsiderohet alarmante dhe tepër shqetësuese.
Sipas zhytësit të njohur kosovar Ismajl Kasumi arsyeja e mbytjes së personave në fjalë lidhet ngushtë me pakujdesinë e pushuesve, por jo vetëm. Një problem madhor në bregdetin shqiptar është mungesa e shpëtimtarëve (rojeve bregdetare).
“Disa herë e kam prezantuar këtë problem, madje është për befasi se sa shumë investime bëhen atje në aspekte tjera, derisa në anën tjetër nuk kemi shpëtimtarë (roje bregdetare)”, ka deklaruar Kasumi për “Telegrafi.com”.
