Xhelal Mziu mbetet i palëkundur për të mos liruar zyrën e Bashkisë së Kamzës. Pas daljes nga takimi me kreun e PD-së, Lulzim Basha, në selinë blu, Mziu pati këtë koment për median. Ai tha se shumica e shqiptarëve nuk kanë votuar, ndaj në këtë formë, ai për asnjë arsye nuk do të bëjë asnjë lëvizje.
Edhe nëse jua kërkon Lulzim Basha, nuk do të dilni nga zyra?
“Nuk ka lidhje Lulzim Basha. Ne interpretojmë ligjin, dhe kemi lexuar votat popullore. Ky është mendimi i shumicës së shqiptarëve, 85%”.
Kjo ishte mbledhja e dytë e Bashës me kryetarët e Bashkive të PD-së, pas asaj të një dite më parë.
