Ambasadori i BE në Tiranë, Luigi Soreca duke iu referuar situatës kaotike në vend, i ka bërë thirrje qeverisë, opozitës dhe institucionet që të tregojnë pjekuri politike dhe të angazhohen urgjentisht në një dialog.
Sipas Sorecas, e rëndësishme tani është ngritja e organeve të reja të drejtësisë, ndërsa theksoi se Gjykata do të jetë në gjendje të sqarojë të gjitha çështjet e pazgjidhura që kanë të bëjnë me të drejtat kushtetuese.
Postimi i plotë:
Është koha që qeveria, opozita dhe institucionet të tregojnë pjekuri politike dhe të angazhohen urgjentisht në një dialog politik për të kapërcyer situatën aktuale.
Është gjithashtu koha për të ecur përpara me reformat e sundimit të ligjit. Reforma në drejtësi vazhdon dhe është e pakthyeshme.
Fokusi tani është krijimi i #SPAK dhe sjellja e Gjykatës Kushtetuese përsëri në funksionalitetin e saj. Pasi të përfundojë rigorozisht verifikimi i kandidatëve, SPAK do të lejojë Shqipërinë të përmirësojë më tej luftën e saj kundër korrupsionit dhe krimit të organizuar, ndërsa Gjykata do të jetë në gjendje të sqarojë të gjitha çështjet e pazgjidhura që kanë të bëjnë me të drejtat kushtetuese, duke përfshirë çështjet e zgjedhjeve.
Lufta kundër korrupsionit duhet të vazhdojë në baza ditore. Prokuroritë duhet të hetojnë çdo formë të pohuar ….
BE do të vazhdojë të mbështesë plotësisht Shqipërinë dhe qytetarët e saj, të cilët besojnë fuqishëm në të ardhmen evropiane të vendit të tyre.
