Ish-kryeministri Sali Berisha i është drejtuar selisë së PD-së gjatë mesditës së sotme, ku ka zhvilluar një takim me kryedemokratin Lulzim Basha.
Takimi i Berishës me Bashën vjen vetëm një ditë pas zgjedhjeve vendore të 30 qershorit, në të cilat mori pjesë vetëm Partia Socialiste.
Ndërkohë që KQZ vijon ende numërimin e votave, në pjesën më të madhe të bashkive është shpallur rezultati përfundimtar, në të cilat është shpallur fituese PS.
Aktualisht ka përfunduar procesi i numërimit në disa bashki të vendit, mes të cilave në Lushnje, Divjakë, në Malësi të Madhe, në Urën Vajgurore dhe në njësinë vendore të Vorës, janë nxjerrë në pah pasaktësi dhe manipulime të votës.
Referuar të dhënave zyrtare të bëra të ditura nga Komisioni Qendror i Zgjedhjeve, shifrat për numrin e zgjedhësve nuk përkojnë me treguesit për votat e grumbulluara nga disa prej kryebashkiakëve të shpallur fitues.
