Kryetari i Bashkisë Kamëz, Xhelal Mziu është shprehur për këto zgjedhje se e kthejnë pas, në regjimin komunist.
I ftuar në “Rtv Ora”, Mziu paralajmëroi se nuk do ia lirojë karrigen një pseudo kandidati, siç e quan ai. Sipas tij, zgjedhjet legjitime janë më 13 tetor, ndërsa shtoi se është i gatshëm të përballet vetëm me garë.
“Na kthejnë në kohët më të errëta të komunizmit. Rezultati nuk do certifikohet, Rama mori goditjen e merituar nga qytetarët. Qytetarët tashmë e dine se e keqja e vendit është qeveria, Rama vulosi fundin e tij.
Nuk do e liroj karrigen e Bashkisë për një pseudo kandidat qe nuk merr as 7 përqind te votave, zgjedhjet legjitime janë më 13 tetor. Jam i gatshëm të përballem në garë reale, postin e kryebashkikut e lë vetëm me votë të lirë”, tha kryebashkiaku i Kamzës.
