Vendimi i kryebashkiakes Voltana Ademi për të mos zhvilluar zgjedhje në Shkodër ka sjellë mbylljen e të gjithave shkollave në të cilat duhet të ishin të vendosura KZAZ-të.
Gjatë ditë së sotme, Policia e Shtetit i ka paraqitur shkresën për hapjen e ambienteve, rojeve të shkollave të cilat janë nën administrimin e bashkisë, në mënyrë që të procedohet me materialet dhe qendrat e votimit të jenë gati për ditën e diel.
Por rojet nuk duken t’i zmbrapsen vendimit të kryebashkiakes së Shkodrës.
Në videon e siguruar nga “BalkanWeb”, roja i shkollës ‘Jordan Misja’ në Shkodër, në të cilën janë planifikuar për tu ngritur 2 KZAZ, nuk ka pranuar të hapë derën, pavarësisht urdhrit të dhënë. Roja shprehet se nuk e ka mbyllur ai me zinxhirë shkollën e si pasojë nuk e ka çelësin për ta hapur.
