Pas djegies së KZAZ nr 6 në Bushat ditën e djeshme, ministri i Brendshëm, Sandër Lleshaj, kërkoi shkarkimin nga detyra të kryetarit të Bashkisë së Vaut të Dejës, Zef Hila. Ky i fundit ka reaguar menjëherë, duke thënë se nuk ka lidhje me këtë ngjarje.
Kryebashkiaku i Vaut të Dejës, Zef Hila, në një lidhje telefonike për Report tv deklaroi se nuk ka qenë ai organizator i protestës, por Aleanca për Mbrojtjen e Demokracisë të Vaut të Dejës.
“Unë nuk e kam dëgjuar. Unë nuk kam asnjë lloj informacioni, por di që protestat në Vaun e Dejës kanë qenë të qeta dhe nuk ka pasur incidente.
Protesta e djeshme nuk është organizuar nga Bashkia e Vaut të Dejës, por nga Aleanca për Mbrojtjen e Demokracisë të Vaut të Dejës. Unë e them me përgjegjësi të plotë, se nuk jam marrë me oganizim të protestës.
Porositë kanë qenë që protestat të jenë të qeta dhe paqësore. Unë jam kryetar i Bashkisë, i zgjedhur. Nuk kam qenë pjesë e protestës. Të gjitha ata kanë protestuar si qytetarë të lirë. Ata kanë të drejtën e tyre. Aq më tepër kemi një dekret të Presidentit, dhe çdo njeri ka të drejtën e tij. Të gjitha kanë qenë jashtë orarit të punës. Ministri është disinformuar në raport me kryetarin e Bashkisë”, tha Hila.
“Ndërrimi i qimes nuk ndërron zakonin”, Lleshaj shkarkon kryetarin e Bashkisë së Vaut të Dejës
