Teksa jemi në prag të zgjedhjeve, ndërkombëtarët po bëjnë lëvizjet e fundit. Gjatë paradites, Zv.ambasadorja amerikane, Leyla Moses-Ones takoi kryedemokratin Basha në selinë blu. Pas saj, zyrës së kreut të PD-së i është drejtuar kreu i delegacionit të Bashkimit Evropian në Shqipëri, Luigi Soreca.
Pak më herët, lideri i PD-së Lulzim Basha ka folur për gazetarët pas takimit me të dërguarën e SHBA-ve në selinë e PD. Ai nuk e ka komentuar takimin dhe bisedën me diplomaten amerikane Leyla Moses-Ones.
Basha theksoi se 30 qershori nuk është ditë zgjedhjesh, dhe se nuk ka zgjedhje pa opozitën.
