Ish-kryetari i FRESSH në Dibër Elvis Kola, ka shpërthyer në akuza të rënda ndaj kryetarit të Komisionit të Ligjeve, Ulsi Manja.
Përmes një statusi në rrjetin social Facebook, Kola përdor një fjalor jo të hijshëm ndaj Manjës, duke e cilësuar atë mashtrues ordiner.
Postimi i plotë:
“Më kujtohen ato ditë të ftohta dimri, ku nën shijen e “hidhur” të çajit kamomil na flisje për rilindjen e famshme që mezi po e pritnim. Po Ulsi po, e teksa e mendoj thellë-thellë, kishit pasur të drejtë. Rilinde ti, familja jote me vëllezër, kushëri e dhëndurë, e lloj-lloj soj e sorollopi që të lëpihej asokohe.
Pështyve keqazi mbi çdo familje socialiste të ndershme. Pështyve keqazi mbi çdo të ri e të reje që të falën rininë, që ti të bëhesh deputet, e që të na mësoje për 6 vite sesi të bëhemi “berberë”…duke mos e “rruar leshin fare”.
TURP TË KESH.
Uroj që sado budalla që të jesh ti dhe ai prijësi yt i rilindjes, të mos ketë pas jush ndonjë budalla tjetër që do t’ju admirojë. Mashtrimet tuaja e të rilindjes tate të famshme, mund të jenë lëvorja e shumë gjërave, por jo thelbi i tyre. Suksesi ka një emërtim të vetëm Ulsi derdimeni… “Mos u tall me miellin e gjermonit”, siç ka edhe dështime një formulë të tijën…të jesh rilindas në kohën tate dhe të Skënderbeut të Elisës. Një “shaka” gjermone, nuk ka shumë lidhje me të qeshurën…të jesh i sigurt.
Ata që dinë të flasin, flasin shkurt Ulsi. TI JE VETËM NJË MASHTRUES ORDINER. E si përfundim “Thonë që njeriun e karakterizojnë në jetë dy gjëra Ulsi…geni dhe shkollimi”. Ti s’ke as njërën dhe as tjetrën. Suksese në jetë, e thyfshit qafën sa më shpejt”.
