Kryetarja e Bashkisë së Shkodrës ka reaguar sa i përket masave të dhëna nga gjykata, për ngjarjet e shënuara në KZAZ.
Nëpërmjet një postimi në Facebook, kryebashkiakja demokrate e krahason gjendjen e krijuar me një “diktaturë ku drejtësia është e kapur nga kryeministri antikushtetues”.
Ajo e konsideron vendimin e gjykatës që la në “arrest me burg” dy policët Alfred Nikolli dhe Gentian Bytyçi si të padrejtë, dhe shton se ata po mbahen peng si të burgosur politikë.
Gjykata vendosi në “arrest shtëpie” edhe 3 persona të tjerë. Ata janë Adi Garuci, Aleks Ndoi dhe Oraldo Thepi.
Voltana Ademi shprehet se të gjithë shtetasit e arrestuar janë heronjtë e zgjedhjeve të lira, duke theksuar se nuk do të bëhet asnjë hap pas.
Postimi i plotë:
Kjo eshte diktature! Drejtesia e kapur nga kryeministri antikueshtues le ne burg dy policet bashkia Alfred Nikolli dhe Gentian Bytyçi u vendos te mbahen peng si te burgosur politike.
Edhe tre te tjeret, Adi Garuci, Aleks Ndoi dhe Oraldo Thepi do te duhet te qendrojne ne arrest shtepie. Te gjithe keta jane heronjte tane, heronjte e zgjedhjeve te lira e te ndershme, heronjte e fjales se lire!
Asnje hap pas! Perballe kryeministrit- fatkeqesi kombetare!
