Ish-deputeti i Partisë Demokratike Endri Hasa pasditen e sotme ka qenë i ftuar në rubrikën “Opinion” në “News 24”, prej ku ka bërë deklarata mjaft të forta.
Lidhur me protestën e 9-të kombëtare të opozitës ai deklaroi se ajo do të jetë madhështore dhe se rrugët do të gumëzhijnë sot.
“E gjithë Tirana do të jetë në rrugë dhe rrugët do të gumëzhijnë nga njerëzit që nuk pajtohen me krimin. Pra, e mbushur me njerëz që duan të jenë si evropianët e tjerë. Protesta do të jetë madhështore. Çdo protestë e opozitës ka qenë paqësore. Policia ka nxitur dhunë dhe ka provokuar. Retorika e kryekriminelit vijon të provokojë qytetarët dhe ato kanë arritur në një pikë vlimi dhe nuk do të durojnë më. Unë shpresoj të mos ketë asnjë incident. Policia të mos i provokojë protestuesit. Ai burgos njerëz të PD-së në Prrenjas dhe në Librazhd. Sot jemi kthyer në diktaturë. Ne iu bëjmë thirrje qytetarëve të protestojnë paqësisht dhe të bëjnë thirrje për një Shqipëri si e gjithë Evropa”, tha Endri Hasa.
