Një 60- vjeçar nga qyteti i Përmetit ka humbur jetën ditën e sotme si pasojë e një aksidenti në punë.
Ngjarja ka ndodhur rreth orës 11:00 në nyjën e inerteve pranë fshatit Kosinë, Përmet, ku si pasojë mbeti i vdekur shtetasi me iniciale S.P.
Mësohet 60-vjeçari ishte punonjës prej 30 vitesh në këtë aktivitet privat.
Trupi i viktimës u gjet tek hinka e thithjes së rërës, së çimentos ku mendohet që viktima të jetë asfiksuar nga këto të fundit.
Ndërkohë policia ka mbërritur në vendin e ngjarjes dhe po punon për zbardhjen e plotë të rrethanave të kësaj ngjarjeje.
