Aktori dhe karikaturisti i njohur, Bujar Kapexhiu ka ironizuar paralajmërimet e kryeministrit Edi Rama, sipas të cilit kush kryen krime zgjedhore më 30 qershor nuk do të lejohet të dalë jashtë shtetit për 5 deri në 10 vjet.
I ftuar në emisionin “Debati në Channel One”, aktori u shpreh me ironi se jo vetëm do shkonte në qendrën e votimit, por do pengonte edhe të tjerët të votonin.
“Më 30 qershor unë do të shkoj në qendrën e votimit. Por do shkoj t’u tregoj të tjerëve që të mos votojnë. Do ti pengoj ata në mënyrë që të dënohem 10 vjet që të mos shkoj jashtë shtetit. Kam vendosur të mos shkoj më jashtë shtetit. As më bën përshtypje fare. Jam kaq mirë këtu në Shqipëri. Le që nuk më lë gazeta të dal jashtë shtetit sepse më do çdo ditë një karikaturë”, tha Kapexhiu.
