Ish-deputeti i PD-së, Ervin Salianji ka akuzuar mazhorancën se është duke kapur çdo institucion apo biznes duke i kërcënuar në forma të ndryshme që të votojnë për kandidatët e Partisë Socialiste, edhe pse janë të vetëm në garë.
Përmes një postimi në Facebook, Salianji akuzon ministrin e Brendshëm Sandër Lleshaj se ka ndërhyrë në sistemin e gjendjes civile pasi do ti tregojë Ramës se është i gatshëm të bëjë gjithçka.
Postimi i plotë:
Rrëzohet sistemi i gjendjes civile!
Janë bërë me hije, frika ju ka hyrë në palcë
Nuk i mjaftojnë 1.2 milion karta identiteti jashtë afati, mijëra qytetarë me vendbanime të zhvendosura nga QV ku votojnë, çdo punonjës I administratës i kërcënuar për të bërë pëlqime të detyrueshme për Rilindjen dhe të dërgojnë nëpër ahengjet elektorale nga 4 persona, pasi detyrojnë mësuesit me kërcënim që të detyrojnë nga 5 nxënës për të votuar Rilindjen, pasi detyrojne mjekë dhe infermiere te punojnë për rilindjen, pasi përdorin policinë e shtetit si leckë për interesa personale, pasi i kërkojnë cdo biznesi të kërcenojë punonjësit ndryshe ju turrin tatimorët, mbajnë në gatishnëri kriminelët të cilët gjysëm i kanë në administratë dhe me gjysmit ndajne para dhe pushtet nëpër kafenetë ku kërcënojnë votuesit, pasi e perdorin prokurorine dhe gjykatat si loder, pasi e kanë të sigurt që zgjedhje nuk ka përsëri vesi nuk i le, ndërhyjnë dhe në sistem, sepse Ministri i Brendshëm kërkon të tregojë Bablokut që mund të bëjë gjithcka,duke nderhyre dhe ne regjistrin e gjendjes civile!
