Lidhur me vënien e zjarrit në KZAZ-në e materialeve zgjedhore në Shkodër, ka reaguar ish-kryeministri Sali Berisha.
Ky i fundit ishte i ftuar në emisionin “Tempora” në “RTV Ora”, prej ku u shpreh se zjarrvënës janë qeveritarët e mafias dhe se skenari i zjarrit është një skenar tipik “stalinist i nisur në Raishtag dhe i përcjellë në të gjitha etapat e tjera”.
Ndër të tjera Berisha deklaroi se në Shkodër qytetarët po përballen me narkoshtetin.
“Qytetarët po mbrojnë dekretin e Presidentit. Që është në kushtetueshmëri të plotë. Përveç mafias shtetërore askush nuk mund ta vërë në diskutim. Këta asgjësuan Gjykatën Kushtetuese. Presidenti është legjitim”, tha ish-kryeministri.
