Gazetari gjerman, Peter Tiede, i cili u bë pjesë e aktualitetit politik në Shqipëri me përgjimet e publikuara, ka treguar të tjera detaje.
Në një postim në “Twitter”, Tiede ka zbuluar se ditën kur kryeministri Rama deklaroi se do ta padiste në gjykatat gjermane, një grup delegacioni ndërkombëtar për lirinë e medias zbarkuan në Tiranë.
“Ditën kur Kryeministri Rama më kërcënoi se do të më padiste për publikimin e përgjimeve, një grup delegacioni zbarkon në Tiranë lidhur me lirinë e medias, fjalës së lirë nga Bashkimi Evropian”.
Delegacioni do të qëndrojë në Tiranë nga datat 18 deri më 21 qershor, ndërsa pritet të takohet me gazetarë, përfaqësues të shoqërisë civile, kryeministrin Rama dhe anëtarë të tjerë të medias, për të konstatuar rreth gjendjes në të cilën ndodhet liria e medias.
“On the day that Prime Minister Edi #Rama threatened to sue a German journalist for publishing wiretaps […], an international delegation of #mediafreedom organisations arrived in #Tirana.” @ExitExplains @PeterTiede @BILD https://t.co/OTWLeE2f9Z
— ECPMF (@ECPMF) June 18, 2019
