Pasi kreu i PD-së Lulzim Basha përfundoi mbledhjen me aleatët e tij, Dashamir Shehi përgjatë një deklarate mediatike ka zbuluar për opinionin publik se kur do të mbahet protesta e radhës. Ai tha për mediat se protestat do të vijojnë në mbarë Shqipërinë, ndërsa fundjavën e ardhshme mund të mbahet një protestë kombëtare.
Kreu i LZHK-së Dashamir Shehi, bëri gjithashtu një deklaratë të fortë teksa tha se deri më 30 qershor Shqipëria do të jetë në këmbë, duke nënkuptuar përshkallëzimin e protestave.
“Po bëhemi gati për një miting tjetër të madh në Tiranë, nga fundi i javës që vjen. Në këtë situatë Shqipërinë e solli zoti Rama që do të bëjë zgjedhje. Opozita është më e bashkuar se kurrë. Deri më datën 30, Shqipëria dhe opozita do të jetë në këmbë”, tha Shehi.
