Presidenti i Republikës, Ilir Meta pak ditë më parë anuloi zgjedhjet të cilat pritej të mbaheshin më 30 qershor, duke mos përcaktuar një datë për shtyrje. Pas çdekretimit të zgjedhjeve debati politik në Shqipëri ka qenë shumë i madhe dhe ka pasur reagime të shumta nga të dyja palët.
Mazhoranca ditën e sotme ka miratuar një vendim rezolute për presidentin Meta, duke bërë një hap në vendimin e tyre për ta shkarkuar nga posti.
Ish-deputeti i LSI-së, Përparim Spahiu me anë të një statusi në Facebook ka ironizuar qeverinë Ram dhe ministrat e saj. Ai shprehet se vendimi i Metës për të shtyrë zgjedhjet ka nxjerrë nga skuta ku ishin futur ministra të cilët nuk i kishim parë askund.
Po ashtu ai akuzon se prej dy vitesh ministrat dhe deputetët nuk miratojnë asgjë në dobi të vendit, përveç aferave korruptive.
Postimi i Spahiut:
Prej tre ditësh janë turrur ministra e deputetë rilindas kudo, në çdo orar, në çdo media.
Ndërkohë, dy vite qeverisje, akoma nuk kemi mësuar emrat e ministrave që drejtojnë këtë vend, si kemi parë askund, në asnjë debat.
Prej dy vitesh nuk miratohet asgjë në dobi të vendit, përveç aferrave korruptive, denoncuar tashmë nga opozita, por dhe media të huaja.
Faleminderit z. President që i nxorre nga skuta ku ishin futur…!!!
