Nesër opozita e bashkuar do të zhvillojë në orën 19:00 protestën e 8 kombëtare, ku kërkohet largimi i kryeministrit Rama, dhe krijimi i një qeverie tranzitore.
Burimet bëjnë me dije se Partia Demokratike ka njoftuar Policinë e Shtetit për protestë-marshim deri në orën 23:59, ndërkohë që njësoj si në protestat e fundit, policia ka dhënë leje deri në orën 21:00. Po kështu, gjatë protestës në fjalë do të angazhohen 1300 punonjës policie.
Po të njëjtat burime shtojnë se edhe në këtë protestë, skenari do të jetë i njëjtë. Qytetarët do të tubohen fillimisht në Kryeministri, dhe më pas do të marshojnë drejt Parlamentit.
