Princ Harry dhe Dukesha Meghan u bënë prindër për herë të parë këtë muaj dhe sollën në jetë djalin e tyre, Archie Harrison.
Ndërkohë, media britanike,‘The Daily Express’ raporton se dukesha është duke folur me stafin e burimeve njerëzore të Familjes Mbretërore për të vendosur kërkesat që duhet të përmbushë kandidati ose kandidatja që do të zgjidhet si dado e bebes Archie.
Një prej kërkesave thuhet të jetë maturia si dhe personi të mos joshet nga fama. Nuk mbetet jashtë mundësive që dadoja të jetë mashkull si dhe nga Amerika duke mos shkëputur kështu kontaktet e Archie me origjinën e të ëmës.
Sa i përket shumës së publikuar që do të marrë kujdestari i ardhshëm, mësohet se bëhet fjalë për plot 80.000 euro në vit.
