Një grup kriminal i përbërë nga pesë persona të moshës 24-41 vjeç nga Kosova dhe Shqipëria janë arrestuar në Spanjë nga Garda Civile. Ata akuzohen se kanë grabitur dy bankomate në dy spitale në zonën e Madridit, ndërsa ka mbetur në tentativë një tjetër në një qendër tregtare.
Shqiptarët kanë një CV mjaft të pasur, për është dhënë edhe një urdhër dëbimi nga Spanja, por që nuk është ekzekutuar. Sipas Shërbimit të Hetimeve Kriminale të Ertzaintza Gipuzkoa, grupi funksiononte në mënyrë perfekte dhe arrinin ta mbulonin ngjarjen në perfeksion.
Gjatë qëndrimit në Madrid, kur planifikohej grabitja ata merrnin shtëpi me qira te bashkatdhetarët e tyre, dhe nuk nevojitej që të paraqitnin dokumente regjistrimi, gjë që bënte të pamundur konfirmimin se ata kanë qenë në qytet.
Skema që përdornin gjatë grabitjes ishte e tillë, pasi hiqnin me forcë bankomatet shkonin në një pyll dhe i hapnin për të marrë paratë. Ndërkohë i transportonin me makina të marra me qira dhe më pas i braktisnin në një zonë të largët për të humbur gjurmët. Në grabitjen e tretë, ku synimi ishte një bankomat në një qendër tregtare është bërë i mundur edhe ndalimi i pesë shqiptarëve të maskuar, pasi policia ndërhyri në kohë.
Ata akuzohen se kanë kryer shumë vjedhje në Spanjë, ku target kanë qenë vilat dhe shtëpitë e biznesmenëve të mëdhenj. Në aksionin që policia ndërmori javën e kaluar në tre lagjet ku dyshohej se qëndronin grabitësit, u gjet një sasi e madhe parash, mjetet e përdorura për kryerjen e plaçkitjeve, bizhuteri dhe rroba të markave kryesore, si dhe dokumente të falsifikuara që i përdornin për të marrë me qira banesa apo makina. Pesë shqiptarët që ishin kthyer në “makth” për Madridin pritet të marrin dënimin javën e ardhshme. /Përshtati TIRANA TODAY
