Pas letrës së katërt publike drejtuar sot kreut të PD-së, Lulzim Basha për dialog pa kushte, kryeministri Rama ka postuar së fundmi një thënie të shkrimtarit rus Leon Tolstoi: “Durimi nuk është pritje. S’është të presësh duarkryq. Kjo është përtaci. Durimi është të vazhdosh kur vazhdimi është i vështirë dhe i ngadaltë. Dy luftëtarët më të fuqishëm janë koha dhe durimi.”
“Durimi nuk është pritje. S’është të presësh duarkryq. Kjo është përtaci. Durimi është të vazhdosh kur vazhdimi është i vështirë dhe i ngadaltë. Dy luftëtarët më të fuqishëm janë koha dhe durimi”?
Leon Tolstoi
— Edi Rama (@ediramaal) May 25, 2019
Kujtojmë se kryeministri Rama në letrën që i dërgoi sot Bashës i bënte edhe një herë ftesë për dialog, ndërsa i kujton se nuk negociohet as zgjedhjet vendore të 30 qershorit dhe as qeveria.
“Bashkë me dorëheqjen time, Ju i dashur Lulzim, duhet të harroni edhe se mund ta nënshtroni shumicën, duke imponuar me dalëmendjen e një pakice në tkurrje, anullimin e zgjedhjeve të 30 qershorit – të cilat nuk i kam caktuar unë po Kushtetuta e Republikës së Shqipërisë dhe nuk i kam në dorë unë, po populli shqiptar”, tha Rama.
