Vijojnë tërheqjet në garën për kryebashkiakë në partinë Bindja Demokratike. Këtë herë, Patozi është braktisur nga kandidati për bashkinë e Kamzës i BD-së, Ylber Gjeta.
Ky i fundit i ka paraqitur KQZ-së kërkesën për tërheqjen nga gara, ndërsa sipas tij, tërheqja vjen për arsye shëndetësore.
Më herët, vetëm pak orë pas regjistrimit nga Komisioni Qendror i Zgjedhjeve si kandidat i BD-së për bashkinë e Lezhës, Salvador Kaçaj hoqi dorë në mënyrë të papritur nga gara duke e argumentuar se “e kanë “nxitur të rishikoj vendimin për të qenë kandidat”, por pa e specifikuar se për kë bëhej fjalë.
E njëjta gjë ka ndodhur edhe me kandidatin në Çorovodë. Dejvis Hebibasi u tërhoq, ndërsa Fabian Topollaj akuzoi se shkak ishin presionet nga kandidati i PS-së.
