Skënder Gjinushi është zgjedhur kryetar i Akademisë së Shkencave, me 35 vota pro dhe 6 kundër.
Në votim kanë marrë pjesë 43 votues, 32 ishin të pranishëm fizikisht, ndërsa 11 me postë.
Gjatë numërimit rezultuan 35 vota pro dhe 6 kundër zgjedhjes së Gjinushit në krye të Akademisë së Shkencave.
I vetmi që nuk votoi ishte akademiku Artan Fuga.
Fuga tha se sot është një ditë e zezë për shkencën dhe arsimin në Shqipëri. ‘Unë refuzoj ta pranoj puçin institucional, krimin elektoral, në Akademinë e Shkencave të Shqipërisë, dhe nuk e njoh rezultatin e farsës zgjedhore të 24 majit 2019, si edhe kryesinë e kryetarin e dalë që andej’, u shpreh Fuga.
