Monika Kryemadhi, kryetarja e LSI-së në një takim me strukturat e partisë në njësinë numër 8 tha se Rama ka frikë, prandaj qurravitet duke shkruar letra.
Ajo ishte e qartë dhe tha se nuk do të ketë asnjë kompromis me Ramën kryeministër dhe se zgjedhje nuk do të ketë. Kryemadhi shkoi më tej kur tha se Rama po vepron si Enver Hoxha, ai përdorte sigurimin e shtetit në zgjedhje, ndërsa Rama krimin.
“Rama shkruan letra dhe qurravitet duke shkruar letra për kompromis. Kjo tregon se ka frikë. Por duhet ta dijë se nuk ka kompromis me Edi Ramën, por ka dialog me shqiptarët. Duhet të largohet Rama bashkë me krimin që drejton vendin. Sot ne jemi më të qartë se kurrë, nuk ka zgjedhje në Shqipëri, zgjedhje që Rama do ti bëjë si Enver Hoxha. Ai i bënte me Sigurimin e shtetit, Rama i bën duke i vjedhur me anë të krimit,” tha Kryemadhi. /TIRANA TODAY
