Mbrëmjen e djeshme, një autobus i transportit urban në Tiranë është aksidentuar, e për pasojë pesë pasagjerë janë plagosur.
Aksidenti është shënuar në segmentin rrugor Institut-Bathore, pasi autobusi humbi kontrollin, duke u përplasur me bordurën.
“Rreth orës 21.45, në segmentin rrugor Institut-Bathore, drejtuesi i një autobusi të linjës së transportit publik ka humbur kontrollin e mjetit, dhe për pasojë mjeti është përplasur me bordurën e rrugës.
Si pasojë janë lënduar pa probleme për jetën 5 pasagjerë, të cilët po marrin ndihmën e parë mjekësore. Grupi hetimor po punon për sqarimin e plotë të rrethanave të ngjarjes”, sqaron policia.
