Devolli i Stavri Nicës ka thyer sot një rekord, teksa u shpall kampion i Kategorisë së Dytë, Grupi B.
Rekordi i bardhebluve u arrit pasi triumfuan ndaj Tepelenës në sfidën e fundit, duke fituar me rezultatin 4-1, dhe duke arritur që ta mbyllin sezonin pa asnjë humbje.
Ekipi nga qyteti i Bilishtit janë të vetmit në të gjitha kategoritë e futbollit shqiptar që e mbyllën kampionatin me kolonën e humbjeve zero. Kështu, skuadra e Devollit arriti të mbetej i pamposhtuar, duke treguar superioritet ndaj rivalëve dhe duke shënuar një rekord tashmë në futbollin shqiptar.
