Kryeministri Edi Rama po mban një konferencë me gazetarët ku ka folur në përgjithësi për kandidaturat e PS-së në zgjedhjet vendore.
Rama u ndal të kandidaturat e Shkodrës dhe të Kukësit, për të cilat tha se kandidaturat janë të duhura për të bërë ndryshimin e rëndësishëm.
Më tej, sa i takon mos-rikandidimit të Dakos, Rama tha se kandidatura e zgjedhur për në Durrës është një figurë e duhur, teksa në 6 vite nuk ka pasur asnjë ankesë për Valbona Sakon.
“Kemi arritur të finalizojmë një ekip të mirë, kemi dhënë kandidatura të mira, duke konfirmuar një pjesë të kandidatëve dhe duke u propozuar komuniteteve kandidatura me potencial real për të ndërtuar një qeverisje vendore të re.
Kemi vendosur skuadra me 50% vajza e gra dhe 50% burra e djem.
Jam shumë i kënaqur me kandidaturën që i kemi propozuar komunitetit shkodran, një individ që meriton të gjithë respektin e vlerësimin., i përket një familjeje me rrënjë të thella në Shkodër. Besoj që i kemi dhënë Kukësit kandidatin e duhur për të bërë ndryshimin e rëndësishëm në atë bashki.
Një pjesë kemi vendosur të besojmë te fuqia e gruas, një zonjë që ka drejtuar tatimet në zonën e Durrësit, nuk ka pasur asnjëherë një ankesë për të.
Edhe në ato bashki ku nuk kemi qeverisur mendoj se kemi bërë zgjedhjet e duhura.”, tha Rama ndër të tjera.
