Kryebashkiaku i Tiranës, Erion Veliaj ka reaguar lidhur me atë që po ndodh në protestën e opozitës së bashkuar, ku kërkohet largimi i kryeministrit Rama. Veliaj ka ironizuar Bashën, teksa ka publikuar një foto të kryedemokratit Basha që flet në podium, ndërsa në sfond shfaqet flaka e bombës molotov.
“Kjo ndodh kur shikon shumë episode “Game of Thrones” dhe e vetmja alternativë qeverisëse të duket zjarri i dragoit! Nisën si të dhunshëm, përfunduan si telendarë!
Tirana nuk thyhet nga një stan me lepuj! Puna, jo dhuna; e drejta, jo e liga; e mira, jo rrugaçëria – kjo triumfon!”, shkruan Veliaj teksa publikon foton.
