Lufta e Dytë Botërore, kërkoi shpenzime, por edhe sakrifica të mëdha nga kombet pjesëmarrëse. Për të përballur kostot e luftës, Uashingtoni rriti taksat mbi të pasurit në masën 94 për qind, teksa e urdhëroi Hollivudin të frenonte shpenzimet për filmat.
Vetë presidenti Franklin Ruzvelt, u bë një shembull në këtë drejtim. Ai miratoi një ligj që e ndalonte qeverisë të shpenzonte më shumë se 750 dollarë (12.300 dollarë sot) për çdo makinë, madje edhe një udhëtim të sigurt për presidentin.
Disa orë pas sulmit japonez mbi Pearl Harbor më 7 dhjetor 1941, Ruzvelt do të mbante fjalimin e tij të famshëm në Kongres. Meqë vendi ishte në luftë, agjentët menduan se udhëtimi nga Shtëpia e Bardhë në Kapitol Hill, mund të ishte i rrezikshëm për presidentin. Shtëpia e Bardhë kishte një limuzinë të ndërtuar posaçërisht për presidentin, por ajo nuk kishte xhama anti-plumb. Administrata duhej të blinte shpejt një makinë të blinduar dhe të shpejtë. Por problem ishte ligji që kufizonte koston një makine në vetëm 750 dollarë.
Në ato kushte, u vendos të përdorej limuzina e blinduar që dikur i përkiste gangsterit të njohur Al Kapone, dhe që në atë kohë ndodhej në burg. Makina ishte e markës Cadillac 341A Town Sedan, prodhim i vitit 1931. Ruzvelt u ndje aq komod në të, sa vazhdoi ta përdorte për disa muaj më radhë. Më pas, me porosi të shërbimit sekret, u prodhua një limuzinë e re dhe e blinduar presidenciale, që kopjoi shumë nga elementët e sigurisë së mjetit luksoz të bosit të dikurshëm të mafias amerikane./ Tirana Today
