Kryetari i Partisë Agrare Ambjentaliste, Agron Duka, i ftuar në “Repolitix” tha se takimi me ambasadorin e BE-së, Luigi Soreca dhe me delegacionin e OSBE-së, nuk u kërkua nga ndërkombëtarët por nga koalicioni opozitar.
“Nuk është se na kërkoi ne zoti Soreca, por kërkuam ne takim me të, sic bëmë takim edhe me delegacionin e OSBE-së”, tha kreu i PAA-së.
Teksa po fliste për situatën e vështirë politike në vend, Duka deklaroi se kjo gjendje po shkakton një ‘hemoragji’ në Shqipëri, ndërsa tha se të rinjtë po largohen.
“Unë gjykoj se Rama flet me gjuhën e të fortit. Një pjesë e madhe e popullit janë kundër qverisjes dhe nuk do shkojnë në këto zgjedhje pasi nuk janë dakord më mënyrën si do mbahen ato. Kjo sjell dhe ikje të rinisë nga vendi. Rama duhet t’i thërrasë arsyes”, u shpreh Duka.
