Pak pas bombardimeve në Sri Lanka dhe fillimit të publikimit të informacioneve të pasakte, qeveria mori vendimin drastik për mbylljen e rrjeteve sociale.
Për të ndaluar shpërndarjen e «raportimeve të lajmeve false», Facebook, WhatsApp, Instagram, YouTube, Snapchat dhe Viber janë bllokuar, ndërsa nuk dihet se kur do të ndërpritet ky bllokim.
Pasi më shumë se 300 persona vdiqën në një seri shpërthimesh në kisha dhe hotele, kryeministri Ranil Wickremesinghe , kërkoi nga njerëzit që të shmangnin propagandimin e raportimeve dhe spekulimeve të paverifikuara.
Kjo lutje u pasua me një ndalim të menjëhershëm të disa rrjeteve sociale. Qeveria tha se ky ndalim do të jetë i përkohshëm, por do të zgjasë derisa të përfundojnë hetimet.
Mbyllja duket se nuk ndikon rrjetin social Twitter, pasi ky i fundit nuk është përdorur gjerësisht në vend si platforma të tjera, sipas disa ekspertëve.
Facebook u bllokua shkurtimisht një vit më parë në Sri Lanka, pasi u akuzua për lejimin e posteve që nxitën dhunën anti-muslimane.
Ndoshta nuk është për t’u habitur që qeveria e Sri Lankës ka marrë masa të tilla ekstreme duke pasur parasysh se rrjeti social Facebook pranoi në nëntor se shërbimi i saj ishte përdorur për të përhapur dhunën në Mianmar, raporton BBC.
Pastaj në mars, Facebook iu desh të ndalonte pamjet e sulmeve ndaj xhamive në Zelandën e Re, të cilat u regjistruan dhe ishin live në këtë rrjet social për disa minuta me radhë./ Përshtati Tirana Today
