Një aksident i rëndë është regjistruar ditën e sotme në aksin rrugor Shkodër-Lezhë, ku kanë mbetur të vdekur dy persona dhe pesë të tjerë janë plagosur.
Policia bën me dije se të plagosur janë shtetasit: Emanuela Perjaku, Jak Perjaku, Pjeter Zefi, Beta Mata dhe Lufti Kubaçi.
Nga informacionet paraprake, mësohet se dy makina janë përplasur me njëra-tjetrën në Krye Bushat, ndërsa policia dhe ambulanca kanë mbërritur në vendngjarje.
Autoritetet po punojnë për zbardhjen e plotë të rrethanave të aksidentit.
Informacion Paraprak:
Më datë 10.04.2019 ora 14.35, në aksin rrugor Shkodër – Lezhë, ne vendin e quajtur Krye Bushat, janë perplasur mjeti tip Nissan me mjetin tip Audi, si pasojë kanë mbetur të dëmtuar shtetasit L. K. 55 vjeç, E. P. 23 vjeç, J. P. 28 vjeç, B. M. 32 vjeçe dhe P. Z. 66 vjeç, të cilët u dërguan në Spitalin Rajonal Shkodër
Gjithashtu si pasojë e aksidentit kanë gjetur vdekjen edhe dy shtetase të cilat akoma nuk dihet identiteti i tyre dhe janë dërguar në Morgun e Spitalit Rajonal Shkodër. Veprimet po kryhen me grup hetimor për sqarimin e rrethanave të aksidentit.
