Në kulmin e krizës politike që ka mbërthyer vendin, SHBA sjellin në Tiranë zv/ndihmës sekretarin e Shtetit, Matthew Palmer. Ky i fundit do të zhvillojë një tur ballkanik, me synimin e rikthimit të stabilitetit politik në Ballkan.
Agjenda
Zyrtari i lartë amerikan do të takohet sot pasdite me kryeministrin Edi Rama, ndërsa të martën pritet të takohet rreth orës 17:30 me presidentin Ilir Meta. Po këtë ditë zyrtari amerikan ka rezervuar takime me kreun e PD-së, Lulzim Basha dhe drejtues të tjerë të opozitës.
Palmer vjen në Shqipëri në një kohë kur opozita e bashkuar ka djegur mandatet, ndërsa ka paralajmëruar edhe protesta të vazhdueshme në vend. Protestat e vazhdueshme paralel me seancat plenare shpesh herë janë shoqëruar me përplasje të dhunshme mes protestuesve dhe forcave të policisë të pranishme në terren, për mbarëvajtjen e situatës.
