Aktori i njohur i ‘Portokallisë’ ka postuar një video në rrjetet sociale, në të cilën i drejtohet gazetares Desada Metaj, duke i thënë se nga 95 mijë ndjekës që ka, 25 mijë mesazhe i ka marrë vetëm me ofendime për të.
“Kaq shumë të urrekan moj vajzë sa thonë sa mirë që ia ke bërë kësaj qelbësirës. Kështu i kam të gjitha mesazhet, po të duash t’i nxjerr me screenshot që ti shohësh, e t’i dëgjosh”, i drejtohet Veleshnja në video gazetares.
Më tej, aktori i ka bërë thirrje Metaj, që mos të merret me artistët, por me politikanët që vjedhin dhe zhvasin.
“Dëgjo tani, ta mbash vath në vesh këtë, mos u merr kurrë me artistin. Artisti vetëm kënaqësi të jep. Çfarëdo lloj gjë të bëjë artisti, ai vetëm kënaqësi të jep. Shaj dhe përdhos figurat e politikanëve, ata që vjedhin popullin , artisti nuk vjedh, jo vetëm kënaqësi”, shprehet Veleshnja.
Veleshnja i ka sugjeruar gazetares që mos të merret me artistët, por me figurat e politikanëve, ndërsa shton që mos të bëjë lekë duke qëndruar pas faqes së ‘Facebook’-ut “lolita”.
Ndër të tjera, aktori e paralajmëron se ka disa informacione për të, që nëse i publikon, sipas tij gazetarja do të detyrohet të largohet jo vetëm nga Tirana por edhe nga Shqipëria.
“Kështu mos bëni lek më këto lolitrat e çfarë ke ti, duke përdhosur figurën e tjetrit, mbi të gjitha kur nuk janë të vërteta.
Se kam ca informacione, për ty që m’i kanë sjellë njerëzit, se ti e di që informacioni është falas, meqë merresh me ‘Lolitën’, por unë nuk ha bukë me lolita. Kështu që nuk po nxjerr këtë informacionin se s’dua të të fëlliq.
Se i bie që ti përfundimisht të ikësh jo nga Tirana, por të ikësh nga Shqipëria. Dakord ti vajzë e mbarë dhe po ta them dhe njëherë këtë tjetrën, nuk jam burrë i martuar dhe nuk hyj tek preferencat e tua.”, deklaroi Veleshnja.
