Një familje në zonën e e 9-katësheve në Tiranë, është ngujuar brenda banesës së tyre, pasi kanë mbërritur forcat e përmbarimit për t’i sekuestruar shtëpinë.
Bëhet fjalë për familjen Tajari, dhe motiv për sekuestrimin e banesës së tyre është bërë një kredi e pashlyer që familja ka pasur ndaj një banke të nivelit të dytë.
Ndërsa hyrja e pallatit është rrethuar me forca të shumta policie, familjarët shprehen të bindur se nuk do e lirojnë banesën e tyre.
Familjarët kërcënojnë se do të digjen brenda, ndërkohë një zonjë ka tentuar të hidhet nga kati i 8-të.
“Babain e kanë marrë në komisariat dhe shefi i thoshte liroje shtëpinë se ta jap unë shtëpinë prapë. Sot nuk të lejohet më do hyhet me dhunë. Kanë ardhur me zjarrfikëse dhe vijnë bëjnë presion dhe mbajnë dikë nga familja në komisariat, vlera e shtëpisë është 130 milion ata e kanë shitur shtëpinë për 50 milionë. Unë do të mundohem ta mbroj, ta djeg ti hedh benzinë, atyre nuk do tua lë”, shprehet djali i familjes.
