Ish-ministri i Brendshëm Saimir Tahiri, ka theksuar edhe një herë pretendimin e tij se nuk ka asnjë lidhje me çështjet për të cilat akuzohet.
Ai është pyetur në lidhje me mungesën në Kongresin e Partisë Socialiste, për të cilën zgjodhi që të mos prononcohej.
“Nuk kam asnjë koment. Është vendimi im për të mos bërë politikë, deri kur kjo çështje që më bëri politika të mbyllet”, tha Tahiri.
I pyetur nëse ka pengje, pasi nga një ministër kampion, u kthye në një të pandehur, Tahiri tha: “Unë jam prapë ministri kampion, atë që kam bërë për Policinë e Shtetit, nuk i kthehem kurrë prapa”.
