Ligoraq Karamelo, numri dy i PBDNJ-së, i cili ka pranuar të marrë mandatin e deputetit të opozitës në listën e Korçës, ka denoncuar tre persona, te cilët e kanë kërcënuar ditën e sotme.
Ngjarja ka ndodhur në qendër te qytetit te Korçës ku 3 persona kanë kërcënuar me jetë deputetin.
“Tre persona tentuan të më godasin më quajtën tradhëtar. Nuk tërhiqem nga mandati i deputetit. Bëra denoncimin. Njeri prej tyre është shoqëruar.
Rreth ores 3 e 30 jam kërcënuar në mënyre flagrante nga 3 persona para Katedrales duke më ofenduar,duke mu kercenuar per tradhetine qe kam bere,duke me share per identitetin tim etnik dhe per organizaten që perfaqesoj. Ajo që është e papranueshme është fakti se njerëz të kontigjenteve të tilla ju shërbejnë strukturave të caktuara apo janë thjesht militante,per Korcen janë të papranueshme këto sjellje dhe këto qëndrime.
Kjo është një ngjarje e rëndë e cila më prek thellë por mbi të gjitha me prek gjesti që bëhet,me gjithë presionet që më bejnë për të hequr dore nga mandati,unënuk e terheq mandatin sepse kam vendosur t’i shërbej vendit.
Më kërcënuan me jetë,për familje,tentuan më preken edhe fizikisht. Për mua ishin fytyra të para, sipas informacioneve që kam policia ka shoqëruar njërin prej tyre.”- u shpreh deputeti Karamelo, pak pas ngjarjes.
