Ish-deputeti i PD-së, Enkelejd Alibeaj ka konfirmuar vazhdimin e protestave të opozitës së bashkuar. I ftuar në rubrikën ‘Opinion’ në News24, Alibeaj tha se 16 shkurti ishte testi i parë për vrasjen e frikës dhe tashmë protestat do vazhdojnë deri në largimin e Edi Ramës.
Alibeaj u shpreh se kohët e qeta për Ramën kanë mbaruar dhe se opozita ka mbështetjen dhe besueshmërinë e qytetarëve.
“16 shkurt ishte test për vrasjen e frikës dhe protestat do të vazhdojnë. Kohët e qeta tashmë për Ramën kanë mbaruar. Më duhet ta pranoj se ka pasur një mbështetje dhe besueshmëri të publikut ndaj opozitës. Lënia e mandateve rriti besueshmërinë tek publiku. Sot gjithçka mund të thuhet, sot vetëm stabilitet social nuk ka në Shqipëri. Sot ka një përballje, mes popullit dhe qeverisë. Edhe lënia e mandateve synonte këtë panoramë, pra populli përballë qeverisë. Shteti ka rënë dhe sistem parlamentar nuk kemi. Protestat janë ndër mjetet më të forta kundër regjimit autokratik”- tha Alibeaj.
