Prokurori Petrit Fusha papritur shfaqi dje dorëheqjen pranë Këshillit të Lartë të Prokurorisë dhe Komisionit të Pavarur të Kualifikimit, duke e argumentuar këtë vendim përmes një letre publike. Në kushte të tilla, shkalla e parë e Vettingut për procesin e rivlerësimit ndërpritet automatikisht ndaj subjektit Fusha. Gazetari i njohur Flamur Vezaj, rendit disa nga arsyet e forta që çuan, sipas tij, ish-drejtuesin e Prokurorisë së Tiranës që të japë dorëheqjen.
Ai e nis shkrimin e tij, duke sjellë në fokus miqësitë e vjetra të Fushës, ose siç ai e cilëson si ish-besnikun e Adriatik Llallës. Për të, dorëheqja ka qenë e mirëmenduar, dhe kjo lidhet ngushtësisht me tre kriteret e vlerësimit, për të cilat do të përgjigjej para Vettingut.
Bëhet fjalë për tre kriteret bazë; atë të aftësisë profesionale, deklarimit të pasurisë dhe pastërtisë së figurës. Petrit Fusha ka qenë një nga prokurorët më të komentuar në mbarë opinionin publik, kjo për shkak të dosjes më delikate që ai kishte në dorë, vrasja e 17-vjeçarit Ardit Gjoklaj në landfillin e Sharrës.
Statusi
“Na paska dhene doreheqjen Petrit Fusha, ish-shefi i Prokurorisë se akuzes ne Tirane, ose thene ndryshe ish-besniku i Adriatik Llalles! Iku duke dhene doreheqje, qe mos te telendiset me shume ne media dhe opinionin publik, per shkak te problemeve me tre kriteret e vleresimit per te cilat do te pergjigjej para KPK ose “vetingsave”! Ate te aftesise profesionale, deklarimit te pasurise dhe pastertise se figurise, ose thene ndryshe per lidhje me krimin apo kriminelet!
Ne aspektin profesional: eshte proceduar dhe “interrnuar” nga ish-P.Pergjithshem Th.Sollaku per afera korruptive por me ardhjen e A.Llalles ne krye te akuzes, u rehabilitua duke u emeruar drejtues i Prokurorise ne Tirane, me te vetmin kriter se ishte shok i Llalles!
Gjate drejtimit te kesaj Prokurorie, per disa vite e shkaterroi ate institucion, qe mes tjerash per here te pare ne histori nje familje u ngujua para Prokurorise ne shenje proteste per me shume se 1 muaj ngaqe vendimarrja e tij ishte e “drejt”!
Eshte ai drejtues qe urdheroi pushimin e shume çeshtjeve me ndjeshmeri publike, qe nga hetimet e koncesioneve, korrupsionit, shperdorimit te detyres, e deri te krimi me i rend i ndodhur ne landfillin e Sharres, ku viktimen e deklaroi “fajtor” per vdekjen e tij! Eshte prokurori qe ndoqi rrugen e “shefit” te tij Llalla duke favorizuar zyrtatet e pushtetit edhe per krime me te renda! E do mbahet mend vetem si prokurori qe arrestoi berberet per mos pajisje me kasa fiskale!
Ne aspektin pasuror: iku se nuk do te justifikonte pasurine e ngritur nder vite qe kap shifren e 1 milion eurove, dhe menyren e perfitimit te shume pronave ne emer te “trashegimise” apo thene ndryshe “gjasme pronar tokash” e perfitime nga qirat e ndryshme!
Ne aspektin e pastertise se figures: eshte ne mesin e shume prokuroreve qe i eshte refuzuar viza nga USA, dhe nuk e di si do te justifikonte denimin e vellait per trafik te drogave te forta ne Spanje, dhe ekspozimit te tij ne kete çeshtje duke qene edhe shef i akuzes ne Tirane!
Por edhe pse dha doreheqjen, mendoj se ai duhet ti nenshtrohet nje hetimi pasuror dhe per vendimarrjet e dyshimta dhe favorizuese ndaj zyrtareve ne pushtet, ne veçanti atyre te Bashkise se Tiranes!!
#Prokuror_te_tille_duhet_te_kishin_ik_me_kohe#”, shkruan ai.
Vettingu/Jep dorëheqjen Petrit Fusha, prokurori 1 milion dollarësh
