Një megastrukturë tronditëse prej 1.12 milionë metrash katrorë pritet të inaugurohet në qytetin kinez të Chongqing gjatë muajve në vijim. Megastruktura përbëhet nga tetë grataçela të lidhura nga një urë qiellore gjigante.
Pikërisht grataçela e nëntë, “Ura në Qiell”, ose “Kristali”, llogaritet si të nga më të lartët në botë. Ajo është 300 metër e gjatë, 32.5 metër e gjerë dhe 26.5 metër e lartë.
Kjo strukturë është vendosur mbi katër rrokaqiej të tjerë nga 250 metër të lartë. Gjatë natës “Ura në Qiell” shndërrohet në një rreze drite gjigante, duke zbardhur qiellin.
“Pas gjashtë vitesh të procesit të ndërtimit, duke përdorur teknologji të avancuara dhe inxhinieri artistike, ne jemi krenar të prezantojmë në “Raffles City” një formë arkitekturore që ngjan me një varkë gjigante që lundron në qiell “, tha Lucas Loh, president i China & Investment Management.
Megaprojekti zë një sipërfaqe prej 9.2 hektarësh dhe mbledh së bashku, një qendër tregtare 235.000 m², hapësira për zyra, apartamente rezidenciale, rezidenca si dhe një hotel.
Dy prej grataçelave të saj janë 350 metër të gjata dhe njihen si ndërtesat më të larta të Chongqing. Njëra prej tyre u quajt edhe kulla më e lartë e banuar e Kinës. Gjashtë grataçelat e tjera janë rreth 250 metër të gjata.
Projekti ambicioz është i vendosur në një pikë strategjike, në bashkimin e lumenjve Yangtze dhe Jialing.
Përktheu dhe përshtati TIRANA TODAY
