Ditën e nesërme nuk do të ketë protestë. Ky është vendimi i marrë nga opozita, e cila organizoi dje brenda ditës një protestë, e cila u zhvillua në të paktën 3 orë intensive para Parlamentit, ku nuk munguan as incidentet.
Liderët e opozitës, Basha dhe Kryemadhi kanë vendosur të pezullojnë protestën që kishin planifikuar të mbahej ditën e enjte, kjo për shkak se nesër nuk do të ketë seancë plenare.
Kështu, strategjia e opozitës duket se është të mbajë protesta sa herë të mblidhet Kuvendi. Ndërkohë, protesta e 16 marsit nuk është pezulluar, ndërsa mund të ketë protestë edhe më herët, ashtu siç u vendos befas dje teksa papritur Kuvendi njoftoi zhvillimin e seancës.
