Një 48 vjeçar nga Sukthi i është drejtuar emisionit “Me Zemër të Hapur” për ti bërë apel bashkëshortes së tij të rikthehet dhe të mos shkatërrojë familjen. Prej 6 muajsh gruaja e tij ka ikur nga shtëpia së bashku me dy fëmijët dhe ka vajtur të jetojë tek prindërit e saj. Pas 25 vitesh martesë, bashkëshorti nuk po gjen asnjë shpjegim pse ka ndodhur kjo situatë.
6 muaj më parë në familjen e zonjës u organizua një dasmë, 48 vjeçari në atë periudhë debatoi me bashkëshorten pasi nuk ishte dakort që ajo të qëndronte së bashku me fëmijët për ditë të tëra në familjen e saj, ky ka qenë dhe shkaku që sipas tij, gruaja nuk u kthye më. Burri ka tentuar disa herë të komunikojë me të shoqen por nuk ka arritur dot ta bind atë.
Sipas tij familja e saj ka ndikuar, madje ai shpesh herë ka biseduar edhe me vëllezërit e gruas por sërish asnjë zgjidhje. Dy fëmijët të cilët janë njëri 22 vjeç dhe tjetri 17 vjeç nuk kanë arritur dot t’i ulin prindërit sëbashku. Sipas 48 vjeçarit martesa ka shkuar mirë edhe pse si çdo çift ka patur debate por që gjithmonë ai thotë ka arritur të merret vesh me bashkëshorten. Frika e tij është divorci, të cilin tashmë gruaja ja ka kërkuar. 48- vjeçari nuk do të ndahet, ai ka ardhur sot t’i bëjë apel bashkëshortes të rikthehet. Besniku e ka treguar edhe njëherë incidentin me të shoqen në studion e emisionit “Me Zemër të Hapur” duke iu përgjigjur edhe pyetjeve të rastit
Çfarë ndodhi, pse ai incident?
Besniku: Po ditën e dasmës së mbesës së gruas i thashë që fëmijët duhet të ishin në shtepi në darkë, por gruaja nuk më dëgjoi. Kthehem nga puna dhe e gjej derën mbyllur. Në momentin që unë i kërkova llogari gruas se pse nuk i kishte sjellë fëmijët, ajo më thotë se vajzën e kishn caktuar për krushkë. Mirë moj i thashë motra jote s’mund të bëjë ligjin në shtëpinë time, duhet të më kishe pyetur mua para se ta mbaje vajzën aty.
Çfarë ndjeve në ato momente?
Besniku: U ndjeva si të isha gur varri që s’më pyet asnjë njeri. I kam thënë rri pra aty tek baba jot, tek nëna jote, tek vëllezërit e tu.
Që nga ai moment, nuk e ke parë më gruan tënde?
Besniku: Jo, nuk e kam parë. Ka ardhur çuni në darkë dhe diskutoi me mua. Ik i thashë çunit tin ë vendin tim si krushk se jam me nerva, i thashë të shkonte çuni në vendin tim.
Por çfarë ndodhi, nuk jeni takuar?
Besniku: Po jemi takuar tek shtëpia e kushërirës sime, më dha llafin gruaja se gjërat do rregulloheshin se ishim para seancës së ndërmjetësimit…pastaj i bija telefonit dhe nuk ma hapte më. Pak kohë më vonë u takuam edhe në kafe, djali më tha babi na lër pak kohë por që nga ai moment ne po shkojmë drejt divorcit.
Pse nuk shkove tek shtëpia e saj?
Besniku: Se kjo ka shkuar në gjykatë ka bërë denoncim dhe ka marrë urdhër mbrojtje…
E ke kërcënuar ti?
Besniku: Jo, absolutisht jo. Më ka akuzuar për dhunë psikologjike
Çfarë ndodhi pas diskutimit që bëtë?
Besniku: Mendoj që ndikohet nga njerëzit e vetë ajo
Po çfarë ndodhi në seancat e ndërmjetësimit?
Besniku: Asgjë nuk ka ndodhur
Në 20 vite martesë, si ka qënë lidhja juaj?
Besniku: Gruaja më thoshte; ne do jemi të dy deri në vdekje, edhe kur unë i bëja ndonjë provokim të vogël në shtëpi. Nuk arrij ta kuptoj se si ajo mori rrugët e iku nga shtëpia.
Sa fajtor ndjehesh?
Besniku: Vetëm për faktin që jam nxehur
Je i gatshëm t’i kërkosh falje?
Besniku: Ia kam kërkuar nëpërmjet gjithë miqësisë që kemi…
Çfarë note do t’i vije vetes si bashkëshort?
Besniku: Në 25 vite i thonë çerek shekulli, nuk e di, nuk e di çfarë note t’i vë
Ku mendon se ka çaluar marrëdhënia juaj?
Besniku: Unë ndoshta nxehem për 1 minutë, por pastaj të ngre në krahë. Djali ka tre vjet që s’më sjell lelë në shtëpi. Kur ikën ata nga shtëpia zbuloj që kishte marrë edhe overdraft në bankë. Dy herë kam qajt në jetën time që djali ka harxhuar 4 vite lekët e gjithë punës dhe kur më kanë vdek prindërit e mi. Në këtë kohë e mora gruan i thashë eja në shtëpi, djalit ia fala vetëm i thashë do punosh me mua. I gjeta edhe punë por ai nuk shkonte, e kam rraf një ditë e pranoj kur mora vesh që kishte ik nga puna.
Ju mendoni që gruaja juaj e ka mbuluar?
Besniku: Po po, madje ajo ka marrë kredi që të mbulojë fajet e djalit.
A ke një mesazh për familjarët e tu?
Besniku: Mesazhi që kam është: Çfarë është bërë është bërë, të kthehen në shtëpi se para familjes nuk vë asgjë tjetër. /Balkanweb
