Një aksident me pasojë tre persona të plagosur është shënuar në aksin Fushë-Krujë. Tre të rinj të cilët ndodheshin në mjet, mësohet se janë në gjendje të rëndë shëndetësore.
Shtetasit Ilir Gega, Altin Vogli dhe Dorja Hifi janë transportuar me urgjencë ne spitalin e Traumës në Tiranë.
Aksidenti ka ndodhur në afërsi të fshatit Kamberas, rreth orës 04:30. Burimet bëjnë të ditur se një fouristradë me të cilën udhëtonin të rinjtë, ka goditur bordurën e një karburanti.
Shkak i aksidentit dyshohet të ketë qenë shpejtësia e madhe, dhe mungesa e sinjalistikës në rrugë. Për të nxjerrë të rinjtë nga automjeti është dashur ndërhyrja e zjarrfikësve.
