Kuvendi i është drejtuar me një kërkesë KQZ, për zëvendësim të deputetëve të opozitës të cilët dogjën mandatin. Kërkesa e Kuvendit vjen vetëm 24 orë pasi 56 deputetët e opozitës dorëzuan formularin për djegien e mandateve.
Afati për të dorëzuar kërkesat e deputetëve të opozitës në KQZ është 30 ditë, por Kuvendi i ka nisur ato direkt.
Dje, në mënyrë zyrtare deputetë të opozitës dorëzuan mandatet parlamentare, por jo të gjithë.
Të mërkurën, një delegacion i komisionit të punëve të jashtme të Parlamentit Europian do të mbërrijë në Tiranë, për t’u informuar në detaje mbi situatën e re në të cilën është futur vendi pas dorëzimit të mandateve parlamentare të opozitës, dhe hapat që priten të merren në vijim.
