Këshilli i Lartë i Prokurorisë ka shqyrtuar sot në mbledhje kërkesën e opozitës për shkarkimin e kryeprokurores Arta Marku.
Por, KLP ka shpallur moskompetencë teksa është shprehur se kërkesa e opozitës ka natyrë administrative.
Rreth një muaj më parë, kryetarët e dy grupeve parlamentare, Petrit Vasili nga LSI dhe Edmond Spaho nga PD, kanë kërkuar që kryeprokurorja Arta Marku të shkarkohet nga posti.
Sipas tyre “Arta Marku është e ngarkuar me detyrë nga ligji që të verifikojë integritetin e figurës për të gjithë ata që kandidojnë për Këshillin e Lartë të Prokurorisë, por në rastin e Bujar Sheshit nuk e ka përmbushur këtë detyrim ligjor”.
“Nuk është në kompentencat tona, argumentimin do ta bëjë me një shkresë që do t’ia drejtoj opozitës”, u shpreh Kreu i KLP, Gent Ibrahimi.
