E dalë nga një histori e gjatë 16-vjeçare me financierin Ardit Kero (me të cilin ka një djalë), për Arbana Osmanin mund të themi se tashmë ajo po shijon një romancë të re.
Bëhet fjalë për regjisorin shtatlartë e të qeshur të programit “Dua të bëj të lumtur”, Eduart Grishaj.
Janë miqtë dhe kolegët e tyre të cilët e konfirmojnë këtë histori dashurie që ka kaq shumë pasion brenda saj, shkruan “Panorama Plus”.
Eduart Grishaj e ka nisur aktivitetin e tij si kameraman para shumë viteve, në televizionin “Rozafa” në Shkodër, ku pasi fitoi eksperiencën e nevojshme, iu drejtua Tiranës, duke u angazhuar në “Top Channel”.
Brenda pak vitesh, Grishaj arriti të fitonte besimin për regjinë e një programi shumë të rëndësishëm në këtë televizion, duke ia dalë me sukses. Tashmë, ai është krahu i djathtë i Arbanës.
