Dy ditë para protestës së opozitës, vjen apeli i Ambasadës Amerikane në Tiranë. Kjo e fundit kërkon nga qytetarët dhe udhëheqësit politikë shqiptarë që të refuzojnë dhunën dhe të sigurohen që protestat të zhvillohen në mënyrë paqësore dhe konstruktive.
“E drejta e qytetarëve për t’u mbledhur, për t’i bërë kërkesa qeverisë dhe për të protestuar për ndryshim pozitiv janë simbole të një shoqërie demokratike të lirë dhe të shëndetshme. Është një e drejtë që ushtrohet shpesh në Shtetet e Bashkuara. Megjithatë, kjo e drejtë duhet ushtruar paqësisht. Dhuna kundër njerëzve ose pronës është e papranueshme. Ne iu bëjmë thirrje të gjithë atyre që janë përfshirë në protestën e së shtunës, dhe të gjithë udhëheqësve politikë shqiptarë, të refuzojnë dhunën dhe të sigurohen që protestat të zhvillohen paqësisht dhe në mënyrë konstruktive”, shkruhet në postimin e Ambasadës.
