Turin e bashkëbisedimeve me qytetarët, kryetari i Partisë Demokratike e vijoi në Vlorë.
Lulzim Basha u bëri thirrje qytetarëve ti bashkohen protestës së opozitës në Tiranë me 16 shkurt, me qëllim dhënien fund të qeverisë që sipas tij nuk i shërben qytetarëve.
Kur është puna për të falur miliona euro nga taksat tuaja oligarkëve, kur është puna për të falur copat e bregdetit, pronës së gjithë shqiptarëve, kur është puna për të dhënë koncesione dhe PPP, po, aty është Edi Rama.
Në takimet me studentë dhe pedagotgë të Universitetit të Vlorës, Basha deklaroi se vendi është në krizë ekonomike për shkak të qeverisjes socialiste.
Unë besoj se roli i shtetit është të kujdeset që shkollat e vogëlushëve, gjimnazet e të rinjve dhe Universitetet e studentëve shqiptarë të kthehen në institucione që përgatisin një brez të ri jo vetëm me vokacion por edhe me aftësi europiane.
Basha përmendi dosjen “339”, duke theksuar se e gjithë PS është e përfshirë në vjedhjen e votave.
Në vetëm një dosje kanë zbuluar sesi u vodhën votat në katër qarqe të Shqipërisë, në Kavajë, Lezhë, Durrës dhe Dibër. Imagjinoni tani që ka me dhjetra hetime të tilla, me mijëra orë përgjime që përfshijnë jo vetëm kupolën socialiste por edhe të parin e rilindjes, Edi Ramën, në këtë shitblerje masive votash.
Kryedemokrati do të vijojë me takime në të gjithë vendin mer qëllim përgatitjen e protestës së 16 shkurtit.
